O‘zbekiston Respublikasi Davlat chegarasining delimitatsiya va demarkatsiya qilish yuzasidan ikki tomonlama tasdiqlangan
2024-yil uchun mo‘ljallangan uchrashuvlar Reja-jadvallariga muvofiq Kadastr agentligi masʼullari, qo‘shni davlatlar bilan bo‘lib o‘tgan muzokaralarida ishtirok etib kelmoqdalar.
Bunda, O‘zbekiston Respublikasi manfaatlaridan kelib chiqqan holda Davlat chegarasi chizig‘ini o‘tishi yuzasidan belgilangan tartibda takliflar tayyorlandi hamda tegishli vazirlik, idoralar va hududiy komissiya vakillari bilan kelishilgan holda Hukumat komissiyaga ko‘rib chiqish uchun taqdim etib kelinmoqda.
Qirg‘iziston yo‘nalishi bo‘yicha, O‘zbekiston Respublikasi va Qirg‘iz Respublikasi hukumatlari delegatsiyalarining o‘zbek-qirg‘iz Davlat chegarasini demarkatsiya qilish bo‘yicha Qo‘shma komissiyasi ishchi guruhlari doirasida 5 ta uchrashuvi bo‘lib o‘tdi, shuningdek, 3 ta dala topogeodeziya ishlari bajarildi.
Tojikiston yo‘nalishi bo‘yicha, O‘zbekiston Respublikasi va Tojikiston Respublikasi hukumatlari delegatsiyalarining o‘zbek-tojik Davlat chegarasini demarkatsiya qilish bo‘yicha Qo‘shma komissiyasi ishchi guruhlari doirasida 5 ta uchrashuvi bo‘lib o‘tdi, shuningdek, uchrashuv doirasida 1 ta qo‘shma dala topogeodeziya ishlari bajarildi.
Turkmaniston yo‘nalishi bo‘yicha, O‘zbekiston Respublikasi bilan Turkmaniston Davlat chegarasini delimitatsiya va demarkatsiya qilish masalalari bo‘yicha hukumatlararo Qo‘shma komissiyasi ishchi guruhlarining 6 ta uchrashuvi bo‘lib o‘tdi hamda 2 ta dala topogeodeziya ishlari bajarildi.
Bugungi kunda, o‘zbek-qirg‘iz, o‘zbek-tojik va o‘zbek-turkman Davlat chegaralarini demarkatsiya qilish ishlari jarayonni davom ettirilmoqda.
