Birlashgan Millatlar Tashkiloti Yevropa Iqtisodiy Komissiyasining (BMT YEIK) Yer maʼmuriyatchiligi, uy-joy va shaharsozlik qo‘mitasining taklifiga binoan, Kadastr agentligi direktori F. Po‘latov boshchiligidagi delegatsiya Jenevada bo‘lib o‘tayotgan BMT YEIK Yer maʼmuriyatchiligi, uy-joy va shaharsozlik qo‘mitasining 85-sessiyasida ishtirok etmoqda.
Sessiyada:
yer va mulk boshqaruvi siyosatini takomillashtirish bo‘yicha o‘tkazilgan seminar va vebinarlar muhokamasi;
yer maʼlumotlari xavfsizligi, yer boshqaruvi va ekotizimlardagi chorlovlar;
noqonuniy qurilmalarni rasmiylashtirish yo‘nalishida amalga oshirilgan va rejalashtirilayotgan tadbirlar muhokamasi;
yer va uy-joy maʼlumotlari boshqaruvi bo‘yicha mamlakatlar profillarini tuzishning joriy holati, 2025-2026 yillarda yer, uy-joy va shaharsozlik bo‘yicha profillari yaratilishi tanlangan davlatlarni eʼlon qilish masalalari o‘rin oldi.
Shuningdek, sessiyada O‘zbekistonda yer maʼmuriyatchiligi, jumladan raqamlashtirishda amalga oshirilgan islohotlarga bag‘ishlangan taqdimot amalga oshirildi.
Tashrif doirasida BMTning Yer boshqaruvi bo‘yicha ishchi guruhi raisi Viktoriya Ebbot, Yevropa va MDH davlatlarining yer, geodeziya, kadastr va qurilish sohalari bo‘yicha masʼul idora rahbarlari, akademik davra vakillari bilan o‘zaro muloqot va uchrashuvlar bo‘lib o‘tdi.
