"Korrupsiya-taraqqiyot dushmani" videoroliklar tanlovining FINAL bosqichi bo'lib o'tdi.
Oldin xabar berganimizdek "9-dekabr xalqaro korrupsiyaga qarshi kurashish kuni" munosabati bilan Kadastr agentligi tizimida faoliyat yuritayotgan xodimlar o'rtasida o'tkazilayotgan "Korrupsiya-taraqqiyot dushmani" videoroliklar tanlovining FINAL bosqichi bo'lib o'tdi.
Mazkur tanlovda 20 dan ortiq videoroliklar kelib tushgan bo'lib FINAL bosqichga 10 ta rolik g'oliblik va sovrinlar uchun ishtirok etdi.
Finalda ishtirokchilarni O'zbekiston Yoshlar ishlari agentligi, O'zbekiston Respublikasi Korrupsiyaga qarshi kurashish agentligi mas'ul xodimlari hamda rejissyor, prodyuser, jurnalist Sardor Komilov (Sayyod) va aktrisa, shoira, teleboshlovchi Mahliyo Asqaraliyevalar baholadilar.
Tanlovning yakuniy natijalariga muvofiq:
1-o'rin - Andijon viloyati;
2-o'rin - Respublika aerogeodeziya markazi;
3-o'rin - Toshkent viloyati qo'lga kiritdi.
Nominatsiyalar bo'yicha:
Eng yaxshi g‘oya muallifi - Toshkent shahri;
Eng yaxshi ijodiy ish muallifi - Xorazm viloyati;
Eng yaxshi ssenariy muallifi - Qoraqalpog'iston Respublikasi;
Eng yaxshi operatorlik ishi -Davlat kadastrlari palatasi markaziy apparati;
Eng yaxshi montaj ishi - Namangan viloyati;
Faol ishtiroki uchun nominatsiyalarini Sirdaryo viloyati hamda Respublika aerogeodeziya markazi Xorazm viloyat bo'linmalari egalladi.
Kadastr agentligi jamoasi g'olib va sovrindorlarni samimiy qutlaydi va kelgusidagi ishlarida muvaffaqiyatlar tilaydi.
