Mazkur dastur doirasida O‘zbekiston Respublikasining 15 ta vazirlik va idoralaridan 25 nafar yosh liderlar tanlab olingan bo'lib, Kadastr agentligidan Fazoviy ma’lumotlar milliy infratuzilmasini rivojlantirish boshqarmasi bosh mutaxassisi Jamshid Ashirov hamda Respublika Aerogeodeziya markazi 1-toifali muhandisi Xasanboy Karimovlar dasturda faol qatnashib kelishmoqda.

Kadastr agentligi xodimlari uchun tashkillashtirilgan Dubai Municipality - GNSS Department davlat tashkiloti ekspertlari bilan uchrashuv bo'lib o'tdi. Ushbu uchrashuvda geodeziya sohasida olib borilayotgan ishlar, zamonaviy geodezik asboblar bo‘yicha suhbatlar olib borildi va o‘zaro qiziqtirayotgan savollarga javoblar olindi. 

Ishtirokchilar tomonidan Yosh liderlar dasturi doirasida tayyorlanayotgan loyiha bo‘yicha qisqacha taqdimot o‘tkazib berildi va taqdimotdan kelib chiqqan holda savol va javob koʻrinishida suhbat davom ettirildi. Suhbat jarayonida Dubay shahrida o‘rnatilgan GNSS stansiyalar  to‘gʻrisida ma’lumotlar olindi.

Dastur natijasida ishtirokchilarning BAA tomoni ekspertlari ko‘magi bilan ishlab chiqiladigan loyihalarini amalga oshirish kutilmoqda.

Ma’lumot uchun: Dastur 2023-yil 9-iyundan boshlanib Hamdam Bin Muhammad nomidagi Smart-universitet tomonidan tashkil etilgan.