Joriy yilning 4-sentabridan 20-sentabriga qadar Jahon banki ekspertlari tomonidan O'zbekistonda Fazoviy ma'lumotlar milliy infratuzilmasini yaratish investitsiya loyihasini amalga oshirish istiqbollarini o'rganish bo'yicha tashrif amalga oshirilmoqda.
Mazkur tashrif kun tartibiga binoan 10-12-sentabr kunlari Jahon bankining ekspertlari Muhammad Nada, Laura Deniz boshchiligidagi Jahon anki ekspertlari hamda Kadastr agentligi Fazoviy ma'lumotlar milily infratuzilmasini rivojlantirish boshqarmasi mutahassislaridan iborat ishchi guruh hududlarda fazoviy ma'lumotlar milliy infratuzilmasini yaratish salohiyatini o'rganish maqsadida Samarqand viloyatiga tashrif buyurdilar.
Ishchi guruh tashrif davomida Samarqand viloyati Hokimligida viloyat hokimining birinchi o'rinbosari hamda viloyatdagi ma'sul boshqarmalar ishtirokida yig'ilish o'tkazildi.
Mazkur yig'ilishda loyihaning maqsadi, loyihani viloyat uchun ahamiyati, amalga oshirishda ma'lumotlar mavjudligini o'rganish, kadrlar salohiyatini oshirish bo'yicha tushunchalar berildi. Loyihani amalga oshirish bo'yicha viloyat hokimligi tomonidan ijobiy qabul qilinib, kelgusida loyihani amalga oshirish bo'yicha hamkorlik olib borilishi ma'lum qilindi.
Shu bilan birga, tashrifning keyingi kunlarida Samarqand viloyati Kadastr agentligi, Davlat kadastrlari palatasi hududiy boshqarmasi hamda viloyatdagi kommunal soha tashkilotlari mutaxassislari ishtirokida savol javoblar shaklida uchrashuvlar o'tkazilib kelinmoqda.
Loyiha doirasidagi o'rganish ishlari davom ettirilmoqda.
