Joriy yilning 26-27-sentabr kunlari Mongoliya Respublikasi poytaxti Ulan-Bator shahrida o‘tkazilayotgan Fazoviy ma’lumotlar infratuzilmasi bo‘yicha Yevroosiyo tashabbusining (EurasiaSDI) 10-konferensiyasi bo‘lib o‘tdi.
Ma’lumot uchun: 2023-yil Samarqand shahrida Fazoviy ma’lumotlar infratuzilmasi bo‘yicha Yevroosiyo tashabbusining 9-konferensiyasiga O‘zbekiston mezbonlik qilgan.
Mazkur konferensiya doirasida Kadastr agentligi direktori o‘rinbosari M.MIRMAKSUDOV boshchiligidagi delegatsiya Mongoliya Yer resurslarini boshqarish, geodeziya va kartografiya Agentligi Bosh direktori ENKXMANLAI ANAND bilan uchrashuv o‘tkazdi.
Idoralararo uchrashuvda tomonlar Mongoliya hamda O‘zbekistonda kadastr tizimining joriy holati, amalga oshirilayotgan ishlar yuzasidan o‘zaro tajriba almashdi.
Mongoliya tomonidan O‘zbekistonda amalga oshirilayotgan ishlar yuqori baholanib, kelgusida fazoviy ma’lumotlar milliy infratuzilmasini yuritishdagi tajribalar, yer nazoratini amalga oshirish bo‘yicha yaratilgan dasturiy ta’minotlar hamda respublikada geodeziya,kartografiya va kadastr yo‘nalishlarida malaka oshirish bo‘yicha qiziqish bildirdilar.
Uchrashuv yakunlariga ko‘ra kelgusida ikki tomonlama hamkorlik bo‘yicha anglashuv memorandumini ishlab chiqish yuzasidan kelishib olindi.
