Kadastr ustozlariga hurmat va e'tibor

Bugun, “1-oktabr-Ustoz va murabbiylar kuni” munosabati bilan Kadastr agentligi tomonidan  “Ustozga ehtirom” nomli uchrashuv tashkil etildi. Ushbu tantanali tadbirga Kadastr agentligi rahbariyati, tizim tashkilot rahbarlari, Nuroniylar jamg‘armasi vakili, Yozuvchilar uyushmasi raisi hamda Agentlik qoshida tuzilgan "Faxriylar kengashi"  jamoasi taklif etilib, ularga alohida ehtirom va e'zoz ko'rsatildi.

Tadbir avvalida so'zga chiqqan mehmonlar o'zlarining samimiy tabriklarini izhor etib, yig'ilganlarni bayram bilan qutladilar. Shundan so'ng soha faxriylari hayoti va faoliyati haqida tayyorlangan videolavha namoyish etildi hamda ular bilan qiziqarli savol-javoblar o'tkazildi.

Ko'tarinki ruhda o'tgan bayramda san'atkor va so'z ustalari ham o'z chiqishlari bilan ishtirok etdilar. Ustozlarni e'tirof etish hamda ularga hurmat bildirish maqsadida bayram sovg'alari taqdim etildi. 

Ushbu tadbir sohada faoliyat yuritayotgan yoshlarning fidoyilardan tajriba va o'rnak olishlariga, ustoz-shogird an'analarining mustahkamlanishiga va yanada yuqori natijalarga erishishlariga  turtki bo'ladi degan umiddamiz.