Respublikamizda o‘z o‘rniga ega Effect.uz axborot agentligi bilan Davlat kadastrlari palatasi Namangan viloyati boshqarmasi hamkorlikda Kosonsoy tumanida savobli ishga qo‘l urdilar. Jurnalist Fazliddin Mehmonov boshchiligidagi ijodiy guruh Namangan viloyati Kosonsoy tumanining chekka chegara hududi hisoblangan «Shirinbuloq» mahalla fuqarolari yig‘inidagi aholi vakillari bilan uchrashdilar. Uchrashuvda ko‘p masalalar qatori kadastr xizmati bilan bog‘liq masalalar ham borligi aniqlandi. Mahalla fuqarolar R.Oxunjanova, M. Latipovalarda va boshqa 7 nafar fuqarolarda kadastr hujjatlarini rasmiylashtirish uchun birlamchi hujjatlari yo‘qligi tufayli soliq to‘lovida muammoli masalaga duch kelganlar.
Masalasini hal qilish uchun mahallaga yetib kelgan Davlat kadastrlari palatasi Namangan viloyati boshqarmasi boshlig‘i maslahatchisi-matbuot kotibi Sh.Toshtemirov va boshqarmaning Kosonsoy tumani filiali Ishlab chiqarish bo‘limi mutaxassisi M. Muydinovlar fuqarolarga joyida, barcha kadastr xizmati bo‘yicha savollariga batafsil javob berdilar. Fuqarolarga amaliy yordam berish uchun Kosonsoy tuman hokimining o‘rinbosari Jobirxon Mamadaliyev va «Shirinbuloq» MFY raisi Jo‘rabek Hasanovlar fuqarolarning murojaatlarini o‘z nazoratga oldilar.
Mahalla fuqarolar R.Oxunjanova, M. Latipovalar va boshqalar o‘z muammolariga yechim topilganidan xursand bo‘lib duoga qo‘l ochdilar.
Yurtimizda Davlat siyosatiga aylangan Inson manfaati yo‘lidagi hamkorligimiz xonadonlarga manfaat olib kelsa demak biz to‘g‘ri yo‘ldamiz.
