• Agentlik tomonidan yerlar, bino-inshootlarni to‘liq hisobga olish va nazoratni ta’minlash bo‘yicha amalga oshirilayotgan ishlar natijasiga ko'ra joriy yilning 9 oyi davomida 228,9 mingta ko‘chmas mulk obyektlari, 121,9 ming gektar yer maydonidan iborat 239,8 mingta yer uchastkalari aniqlanib, Davlat soliq qo‘mitasiga onlayn tarzda taqdim etildi.

O‘tkazilayotgan xatlovlarda 477,7 mingta ko‘chmas mulk obyektlarda qo‘shimcha qurilmalar aniqlanib, kadastr bahosi qayta ko‘rib chiqilishi natijasida byudjetga qo‘shimcha 145,4 mlrd.so‘m mol mulk solig‘i hisoblanishi ta’minlandi.

 

Soliq va kadastr sohasidagi islohotlarni amalga oshirish hamda soliq va kadastr organlarining hamkorlikdagi faoliyatini ta’minlash natijasida joriy yilning 9 oyida mol mulk va yer soliqlaridan jami 4,7 trln.so‘m tushirilib, o‘tgan yilning mos davriga nisbatan 155,2 foizga oshdi.

 

O‘zaro integratsiya qilinmagan “Davreyestr”, “Ko‘chmas mulk”, “Ko‘chmas mulk-3” axborot tizimlari o‘rniga Jahon banki bilan hamkorlikda “Kadastr va ro‘yxatdan o‘tkazish integratsiyalashgan axborot tizimi” yaratildi.

Natijada, ko‘chmas mulkka bo‘lgan huquqlarni davlat ro‘yxatidan o‘tkazish, yer va yerdan foydalanuvchilar to‘g‘risidagi ma’lumotlarni, yer uchastkasining chizmasi va chegarasini yagona axborot tizimida amalga oshirish yo‘lga qo‘yildi.