O‘zbekiston Respublikasi Prezidentining 2024-yil 18-yanvardagi PF-16-sonli Farmoni ijrosi yuzasidan, viloyatlardagi ma'lum bir universitet hamda institutlarda "Geodeziya, kartografiya va kadastr" kafedrasi filialini tashkil etish maqsadida joriy yilning 15-may kunida Samarqand viloyatida, 18-may kunida Farg'ona viloyatida hamda 20-may kuni Sirdaryo viloyatlarida Kadastr agentligining mas'ullari, hududiy boshqarma boshliqlari va universitet va institutlar rahbariyatlari hamkorligida talabalar ishtirokida davra suhbati o'tkazildi.
Uchrashuv davomida universitet kafedrasi tomonidan “O‘zbekiston Respublikasining tibbiy-geografik atlasini” talabalarga foydalanishlari uchun taqdim qilindi.
Tadbirda talabalar bilan va ustozlar o‘rtasida geodezik o‘lchash asboblarini o‘rganish jarayonida talabalarning qiziqishlari ortib amaliyot jonli muloqotga aylandi.
Shuningdek talabalarini qiziqtirgan savollarga masʼullar tomonidan tushuntirishlar berildi. Talabalarning amaliyot o‘tashlari uchun zarur sharoitlar yaratildi vа belgilangan chora-tadbirlarni amalga oshirish yo‘lga qo‘yildi.
