2024-yil 20-noyabr kuni “Fazoviy ma’lumotlar milliy infratuzilmasini rivojlantirish bo‘yicha muvofiqlashtiruvchi kengash”ning navbatdagi yig‘ilishi bo‘lib o‘tdi.

Yig‘ilishda Fazoviy ma’lumotlar yo‘nalishida 2024-yilda amalga oshirilgan ishlar yutuqlar va kamchiliklar bo‘yicha hisobot muhokamasi bo‘lib o‘tdi. Shu bilan birga, Davlat kadastrlari yagona tizimiga kadastr ma’lumotlarini taqdim etish holati va kelgusida amalga oshirilishi zarur bo‘lgan ishlar muhokama qilindi.

Shuningdek, Geografik axborot tizimlari (GAT) va texnologiyalarni muvoffaqiyatli qo‘llayotgan vazirlik va idoralar tajribasi yig‘ilganlar bilan o‘rtoqlashildi.

Bunda:

“Hududgazta’minot” AJ tomonidan  gaz yetkazib berish tizimida GATni qo‘llashning ahamiyati va erishilgan natijalar;
Ekologiya, atrof muhitni muhofaza qilish va iqlim o‘zgarish vazirligi tomonidan “Atrof muhit muhofazasida GATning o’rni”; 
Qishloq xo‘jaligi vazirligi tomonidan Qishloq xo‘jaligi va GAT mavzularida taqdimot o‘tkazildi. Mazkur taqdimotlar va olingan ma’lumotlar yig’ilish ishtirokchilari tomonidan yuqori baholandi.

Bundan tashqari yig‘ilishda Fazoviy ma’lumotlar sohasini standartlashtirish, va standartlarni amaliyotga tatbiq etish bo‘yicha taqdimot o‘tkazilib, O‘zMSt ISO 19115 - Metama’lumotlar standartini amaliyotga joriy etish masalalari muhokama qilindi.