O‘tkazilgan sayyor qabulga kelgan 50 ga yaqin fuqarolar o‘zlarining kadastr sohasiga oid muammoli masalalar bo‘yicha mas’ullarga savollar bilan murojaat qilishdi.

Murojaatlarning asosiy qismini:

fuqarolar tomonidan uzoq yillardan buyon foydalanib kelayotgan uy-joy va  bino-inshootlariga egalik huquqini belgilash; 
kadastr hujjatlarini rasmiylashtirish va davlat ro‘yxatidan o‘tkazish tartibi;
kadastr sohasida ko‘rsatiladigan davlat xizmatlari uchun to‘lovlar miqdorlari;
tadbirkorlik qilish maqsadida yer ajratish masalalari tashkil etdi. 

Shuningdek, boshqa masalalar bo‘yicha ham murojaatlar bo‘ldi. 

Ushbu murojaatlarning 40 ga yaqiniga huquqiy tushuntirish berildi va joyida hal etildi. Shu bilan birga, qo‘shimcha o‘rganish hamda hujjatlar talab etiladigan 10 ta murojaatlar bo‘yicha sohadagi mas’ullarga topshiriq va ko‘rsatmalar berildi va muddatlari belgilanib, ijrosi nazoratga olindi.

Ayrim murojaat mualliflariga tegishliligi yuzasidan hamda mas’ul bo‘lgan idoralarga yo‘naltirildi.