Kadastr agentlikning Buxoro viloyat boshqarmasi va uning hududiy bo‘limlari tomonidan yer qonunbuzilish holatlarini aniqlash va oldini olish borasida o‘tkazilgan xatlovlar davomida viloyat bo‘yicha o‘tgan 2021 yil va 2022 yilning yanvar oyi davomida jami 1170 ta holatda 155,7 gektar yer maydonlari o‘zboshimchalik bilan egallab olinganligi aniqlangan.
Olib borilgan tushuntirish va targ‘ibot ishlari natijasida 181 ta qonunbuzilishi natijasida o‘zboshimchalik bilan egallangan 23,5 gektar yer maydoni dastlabki holatiga qaytarildi.
Mazkur jarayonlarni bartaraf etish bo‘yicha sudlarga jami 695 ta da’vo arizalari kiritilgan bo‘lib, qolgan 297 ta noqonuniy qurilmalar bo‘yicha ham da’vo arizalari kiritish uchun hujjatlar rasmiylashtirilmoqda.
Jumladan, Agentlikning G‘ijduvon tumani bo‘limi tomonidan nazorat tadbirlari o‘tkazilganda tumanning “Paxtaobod” hududidagi “Muazzam Aya Sardori” fermer xo‘jaligi tegishli 555-konturidagi 50 ball bonitetli ekin yer maydonidan “Ulfatbibi” MFYda yashovchi fuqaro Sherzod Sunnatov tomonidan uy-joy qurish maqsadida o‘zboshimchalik bilan jami 0,138 gektar ekin (sug‘oriladigan) yer maydoni egallanib, 0,0032 gektar qurilish ishlari bajarganligi aniqlandi. Ushbu holatda tegishli hujjatlar rasmiylashtirilib, prokuratura organlariga belgilangan tartib bo‘yicha yuborilgan va bugungi kunda holat bo‘yicha jinoiy ish qo‘zg‘atildi.
Kadastr agentligi Buxoro viloyati boshqarmasi hamda uning hududiy bo‘limlari tomonidan o‘zboshimchalik bilan egallangan yer maydonlari va ularga noqonuniy qurilmalarni bartaraf etish borasida muntazam ishlar olib borilmoqda.
