KADASTR SOHASIDA KO’RSATILAYOTGAN DAVLAT XIZMATLARI SONI YANA BITTAGA KO’PAYDI

Joriy yilning 5 oktabr sanasidan Vazirlar Mahkamasining 2020 yil 2 sentabrdagi 535-son qarori bilan tasdiqlangan Ko’chmas mulk ob’yektiga kadastr pasportini berish bo’yicha davlat xizmatlari ko’rsatishning ma’muriy reglamenti 5-bandiga asosan kadastr pasportini olish hamda belgilangan tartibda ko’chmas mulkni davlat ro’yxatidan o’tkazish uchun ariza beruvchining ixtiyoriga ko’ra bir vaqtda yoki alohida murojaat qilish imkoniyati yaratildi.

Belgilangan tartibda kelishilgan loyiha hujjatlariga ko’ra ob’yektning qurilishi (rekonstruksiyasi) tugallangan taqdirda, bitta so’rovnomaga asosan kadastr pasporti, ob’yektni foydalanishga qabul qilish dalolatnomasi, ko’chmas mulk davlat ro’yxatidan o’tkazilganligi to’g’risidagi reyestrdan ko’chirma bir vaqtda berilishi yo’lga qo’yildi.