O‘zbekiston Respublikasi Davlat soliq qo‘mitasi huzuridagi Kadastr agentligida “Muqaddasdir Vatan bayrog‘i” shiori ostida tadbir bo‘lib o‘tdi. Tadbirda istiqlolimiz ramzi bo‘lgan bayrog‘imizga ehtirom bildirishdi.

Mamlakatimiz bo‘ylab Davlat bayrog‘i qabul qilinganligining 30 yillik bayram tadbiri keng nishonlanmoqda. Davlat ramzlari har bir mamlakatning mustaqilligini ifodalovchi muqaddas timsollardir. O‘zbekistonning davlat ramzlari xalqimizning shon-sharafi, tarixiy xotiralarini o‘zida mujassam etib, shu yurtda yashovchi har bir fuqaroga g‘urur bag‘ishlaydi.

Milliy bayrog‘imiz davlat idora va muassasalari, o‘quv yurtlari, O‘zbekiston a’zo bo‘lgan xalqaro tashkilotlar, chet ellardagi elchixona va doimiy vakolatxonalarimiz peshtoqida hilpirab turibdi. Mamlakatimiz a’zolari qatnashayotgan xalqaro miqyosdagi siyosiy, madaniy-ma’rifiy tadbirlarda, sport musobaqalarida bayrog‘imiz Vatanimizning sha’ni, xalqimizning g‘ururini yorqin aks ettirmoqda.