O‘zbekiston Respublikasi Vazirlar Mahkamasining “Qishloq xo‘jaligiga mo‘ljallanmagan yer uchastkalarini xususiylashtirish to‘g‘risida”gi O‘zbekiston Respublikasining Qonunini amalga oshirish chora-tadbirlari to‘g‘risida”gi qarori qabul qilindi.
O‘zbekiston Respublikasi Davlat soliq qo‘mitasi huzuridagi Kadastr agentligi tomonidan o‘tkazilgan tadbirda ushbu qarorning mazmun mohiyati haqida OAV vakillariga batafsil maʼlumotlar berildi.
Geodeziya va kartografiya sohasida metodologiya bo‘limi boshlig‘i Bexzod Nishanov qarorning mohiyatiga to‘xtalib o‘tdi.
— O‘zbekiston Respublikasi fuqarolari va yuridik shaxslariga doimiy foydalanish, ijara va meros qilib qoldiriladigan umrbod egalik qilish huquqi asosida tegishli bo‘lgan yer uchastkalarini xususiylashtirish bo‘yicha davlat xizmatlari ko‘rsatishga doir maʼmuriy reglamenti;
Tadbirkorlik va shaharsozlik faoliyatini amalga oshirish uchun yer uchastkalarini mulk huquqi va ijara huquqi asosida elektron onlayn-auksion orqali realizatsiya qilish tartibi to‘g‘risidagi nizom;
Yakka tartibda uy-joy qurish va uy-joyni obodonlashtirish uchun yer uchastkalarini mulk huquqi asosida elektron onlayn-auksion orqali realizatsiya qilish tartibi to‘g‘risidagi nizomlar tasdiqlangan, — deydi B.Nishanov.
O‘zbekiston Respublikasi fuqarolari va yuridik shaxslariga doimiy foydalanish, ijara va meros qilib qoldiriladigan umrbod egalik qilish huquqi asosida tegishli bo‘lgan yer uchastkalarini xususiylashtirish bo‘yicha davlat xizmatlari ko‘rsatishga doir maʼmuriy reglamenti ham ko‘pchilikda qiziqish o‘yg‘otdi.
— O‘zbekiston Respublikasi fuqarolari yoki yuridik shaxslariga doimiy foydalanish, ijara yoki meros qilib qoldiriladigan umrbod egalik qilish huquqi asosida tegishli bo‘lgan qishloq xo‘jaligiga mo‘ljallanmagan yer uchastkalarini xususiylashtirish ushbu Reglamentga muvofiq amalga oshiriladi, —deydi Davlat kadastrlarni yuritishda hududlar bilan ishlash boshqarmasi boshlig‘i o‘rinbosari Qobil Bobojonov. — Ushbu Reglament kichik sanoat, yoshlar sanoat va tadbirkorlik zonalari ishtirokchilariga berilgan yer uchastkalariga nisbatan tatbiq etilmaydi.
Ariza beruvchilar o‘z xohishiga ko‘ra Davlat xizmatlari markazlari yoki O‘zbekiston Respublikasining yagona interaktiv davlat xizmatlari portali orqali yer uchastkasini xususiylashtirishga ariza taqdim etishlari mumkin.
Shuningdek, tadbir davomida Tadbirkorlik va shaharsozlik faoliyatini amalga oshirish uchun yer uchastkalarini mulk huquqi va ijara huquqi asosida elektron onlayn-auksion orqali realizatsiya qilish tartibi to‘g‘risidagi hamda yakka tartibda uy-joy qurish va uy-joyni obodonlashtirish uchun yer uchastkalarini mulk huquqi asosida elektron onlayn-auksion orqali realizatsiya qilish tartibi to‘g‘risidagi nizomlar doirasida ham fikr-mulohazalar bildirildi.
