Prezidentimizning tashabbusi bilan boshlangan “20 ming tadbirkor – 500 ming malakali mutaxassis” dasturini Namangan viloyatida amalga oshirish maqsadida, respublikadan viloyatga biriktirilgan vakillar ishtirokida, Viloyat shtabi hamda shahar va tumanlarda jami 15 ta shtab va ishchi guruhlar tashkil etilgan.
Bugun Respublika Ishchi guruhi aʼzosi Kadastr agentligi direktorining birinchi o‘rinbosari A.Allaberganov boshchiligida Namangan tumani hokimligida O‘zbekiston Respublikasi Prezidentining 2023-yil 12-iyundagi PF-93-son Farmoni (https://lex.uz/docs/6493069) dastur doirasida qo‘llaniladigan imtiyoz va preferensiyalar haqida hokim yordamchilari va tadbirkorlar uchun o‘quv – seminari bo‘lib o‘tdi.
Tadbirda dastur doirasida faoliyatini kengaytirish istagini bildirgan 1 537 ta tadbirkorlar ro‘yxati shakllantirilib, 1 523 tasiga bank va soliq idoralari tomonidan ijobiy xulosa berilgani qayd etildi.
