Respublika aerogeodeziya markazida yer resurslarini hatlovdan o‘tkazish, geodeziya, kartografiya, Yerni masofadan turib zondlash bo‘yicha bajarilayotgan ishlar bo'yicha matbuot anjumani bo'lib o'tdi
Respublikada yer resurslarini xatlovdan o‘tkazish bo‘yicha bajarilayotgan ishlar bo'yicha ma'lumot.
2020-yili tizimda katta islohotlarni amalga oshirish boshlandi. Kadastr agentligi tomonidan Davlat rahbarining 2020-yil 7-sentabrdagi PF–6061-son Farmoni va PQ–4819-son qaroriga asosan quyidagi yo‘nalishlarda ishlar olib borilmoqda:
1) Yerlarni xatlovdan o‘tkazish, davlat yer kadastrini yuritish uchun zarur ma’lumotlarni tayyorlash;
2) Ma’muriy-hududiy birliklar chegaralarini belgilash ishlarini amalga oshirish;
3) Aerokosmik suratga olish, topografiya-geodeziya, kartografiyaga oid izlanishlar hamda tadqiqotlarni, yerlarni masofadan zondlash, geodinamik tadqiqotlar ma’lumotlari va materiallaridan foydalangan holda kartografik monitoringni amalga oshirish;
Respublikada qishloq xo‘jaligi yerlarini xatlovdan o‘tkazish ishlariga to‘xtalib o‘tadigan bo‘lsak, Respublikada qishloq xo‘jaligi yer maydonlari 2021-yil 1-yanvar holatiga 24 million 57 ming gektarni tashkil etadi. Ushbu yerlardan 112 855 ta qishloq xo‘jaligi korxonalari foydalanadi.
Yer resurslarini xatlovdan o‘tkazish ishlari bo‘yicha jami o‘tgan davr mobaynida Kadastr agentligi tomonidan 175 tumandan 82 tasida xatlov ishlari yakunlangan. Bugungi kunda esa Respublika aerogeodeziya markazi hamda uning hududiy bo‘linmalari tomonidan Qoraqalpog‘iston Respublikasida va 5 ta viloyatdagi jami 11 ta tumanlarida xatlov ishlari bajarilmoqda. Bo‘stonliq, Yangiyo‘l, Parkent hamda Ohangaron tumanlarining jami 962 ming gektar yer maydonlarida xatlov ishlari yakunlangan.
Respublikada geodeziya, kartografiya bo‘yicha amalga oshirilayotgan ishlar
Respublikaning Farg‘ona, Andijon, Namangan, Qashqadaryo va Xorazm viloyatlarining jami 44 928 kv.km maydonda 1:25 000 masshtabdagi 468 varaq topografik xaritalari yangilandi.
Respublikaning Navoiy, Xorazm, Buxoro viloyatlarining 1 279 ta (GPS, toposyomka, ortofotoplan yaratish ishlarida foydalaniladigan) geodezik punktlar hamda 956 ta (balandlikni aniqlashda foydalaniladigan) nivelir belgilari tekshirildi.
“Lukoyl Uzbekistan Opereting Kompani” MChJ bilan hamkorlikda Qashqadaryo viloyatidagi “Xisor”, Buxoro viloyatidagi “Qandim” va “Dengizko‘l” gaz konlarida geodinamik tadqiqotlar olib borildi va 388 ta yangi geodezik punktlar o‘rnatildi.
“Olmaliq kon metallurgiya kombinati” AJ bilan hamkorlikda Olmaliq kon metallurgiya kombinatining Qalmoqqir, Yoshlik, Saricheku, Kauldi, Sherabod va Xondiza ruda konlarida geodezik asosni yaratish maqsadida 50 ta geodezik punktlar o‘rnatildi va ularning yuqori aniqlikdagi koordinatalari hamda balandliklari aniqlandi.
Respublika bo‘yicha 50 doimiy ishlovchi sun’iy yo‘ldoshli GNSS stansiyalar faoliyat olib bormoqda.
Vazirlar Mahkamasining 2012-yil 16-oktyabrdagi 295-sonli qaroriga muvofiq, geografik obyektlarni nomlash va qayta nomlash masalalari bo‘yicha takliflarni ekspertizadan o‘tkazish, geografik obyektlarning nomlarini maqbullashtirish hamda davlat ro‘yxatidan o‘tkazish, geografik obyektlarning nomlari davlat reyestrini yuritish va davlat reyestriga kiritilgan geografik obyektlarning nomlari to‘g‘risidagi axborotni yuridik va jismoniy shaxslarga belgilangan tartibda taqdim etish kabi ishlar Kadastr agentligi qoshidagi Respublika toponimika xizmati tomonidan amalga oshirib kelinmoqda.
Joriy yil 1-sentyabr holatiga Geografik obyektlarning nomlari davlat reyestrida
122 ming 017 ta geografik obyektlarning nomlari jamlangan bo‘lib, shundan:
2 ming 880 ta ma’muriy-hududiy birliklar (viloyat, tuman, shahar, shaharcha, qishloq, ovul) nomlari;
111 ming 098 ta aholi punktlari va ularning tarkibiy qismlari (mahalla, ko‘cha, maydon, xiyobon, qabriston va ziyoratgoh kabilar) nomlari;
2 ming 260 ta transport va muhandislik-texnika infratuzilmasi obyektlari (temir yo‘l stansiyasi, avtostansiya, vokzal, aeroport, ko‘prik, suv ombori, quduq, kanal, foydali qazilma koni, nasos stansiyasi kabilar) nomlari;
5 ming 790 ta tabiiy obyektlar (daryo, ko‘l, soy, buloq, tog‘, g‘or, sharshara, cho‘l, vodiy, dara, adir, ariq, hovuz, jarlik, qirlik, qoya, tepalik kabilar) nomlarini tashkil qiladi.
Respublikada Yerni masofadan turib zondlash bo‘yicha amalga oshirilayotgan ishlar
O‘zbekiston Respublikasi Prezidentining 2013-yil 25-sentabrdagi “Milliy geografik axborot tizimini yaratish” investitsiya loyihasini amalga oshirish chora-tadbirlari to‘g‘risidagi PQ-2045 sonli qaroriga muvofiq Janubiy Koreya Respublikasining KOMPSAT 3A sun’iy yo‘ldoshi orqali olingan kosmosuratlar yordamida Respublikamizning barcha hududlari jami 448 924 kv.km 1:10 000 va
1:25 000 masshtabdagi raqamli ortofotoplanlari yaratildi va map.geoportal.uz saytiga joylashtirildi.
O‘zbekiston Respublikasi Vazirlar Mahkamasining 2017-yil 26-dekabrdagi
1022-son qarorida, Jahon banki ishtirokidagi “Kadastr va ko‘chmas mulkni ro‘yxatga olish tizimlarini modernizatsiya qilish” investitsiya loyihasiga muvofiq Shvetsariyada ishlab chiqarilgan “DMC III” rusumli aerofotokameradan foydalanib 2021-yilda Respublikamizning Jami: 52 097 kv.km maydonda aerofotosyomka ishlari olib borilib 1:10 000 masshtabdagi ortofotoplanlar yaratildi.
“O‘zyo‘lloyiha” loyiha-qidiruv instituti davlvt unitar korxonasi bilan hamkorlikda “M39 “Almata-Bishkek-Toshkent-Shahrisabz-Termiz” avtomobil yo‘lining 1255-1315 km qismini rekonstruksiya qilish” loyihasi bo‘yicha avtomobil yo‘lini uchuvchisiz uchish qurilmalaridan foydalangan holda 3D o‘lchamdagi ko‘rinishi shuningdek, 1:500 masshtabdagi topografik kartalari yaratildi.
“Raqamli Rivojlantirish Departamenti” MChJ bilan hamkorlkda Toshkent shahri va unga yondosh hududlar jami 475 kv.km aerofotosyomka ishlari olib borilib 1:2000 masshtabdagi ortofotoplanlar yaratildi.
