Xabarıńız bar, Qaraqalpaqstan Respublikasında jer maydanları xatlaw jumısları hám “UzKAD” málimleme sistemasına kirgiziw boyınsha jumıslar jedel pátlerde alıp barılmaqta.

Xatlaw jumıslarına Qaraqalpaqstan Respublikası sistema qánigelerinen dúzilgen isshi toparǵa 400 den artıq xızmetkerler tartılǵan edi. Házirgi waqıtta ámelge asırılıp atırǵan jumıslardıń nátiyjeliligin asırıw hám jer maydanlarınıń anıq ólshemlerin alıw maqsetinde wálayatlardan jámi 25 xızmetker geodeziyalıq texnikalar menen tartıldı.

Rayonlardaǵı awıl xojalıǵında paydalanatuǵın jer maydanların ólshew jumıslarına sońǵı texnologiyalardan yaǵnıy, Aerosyomkalar, GPS ólshew úskeneleri hám SOUTH planshetlerinen nátiyjeli paydalanılıp atır.

Maǵlıwmat ushın, Qaraqalpaqstan Respublikasınıń jámi jer maydanı 16 656 123 gektar jer maydan bolıp, búginge shekem 420 mıńnan aslam gektar jer maydanı xatlawdan ótkerildi.

Xatlaw jumısları isshi topar tárepinen úzliksiz qadaǵalanıp, orınlarǵa barıp úyreniw jumısları alıp barılmaqta.