Kadastr sohasida yosh kadrlarni tayyorlashda bir qator ishlar amalga oshirilmoqda.

O'zbekiston Respublikasi Prezidenti tomonidan kollej-texnikumlar va oliygohlarni ish beruvchilar bilan uzviy bog‘laydigan tizim yaratish yuzasidan berilgan topshiriq ijrosini ta’minlash maqsadida Kadastr agentligi hamda O‘zbekiston Respublikasi Oliy ta’lim, fan va innovatsiyalar vazirligi tomonidan qabul qilingan qo'shma qarorlari asosida mavjud bakalavriat ta’lim yo‘nalishlari hamda magistratura mutaxassisliklari bo‘yicha ishlab chiqarish korxonalarining talab va ehtiyojlariga mos keladigan kadrlarni tayyorlash maqsadida yirik xo‘jalik subyektlari va ilmiy-tadqiqot institutlari bilan hamkorlik shartnomalari tuzilib kafedralar filiallari tashkil etilgan.

Bugungi kunda Kadastr agentligi hamda uning tizim tashkilotlari tomonidan universitet hamda institutlarda ochilgan fakultetlarda ta'lim olayotgan yoshlar bilan Kadastr sohasiga oid geodeziya, kartografiya, topografiya va yerlarni masofadan zondlash bo'yicha amaliy mashg'ulot o'tib, talabalarni qiziqtirgan savollariga  javoblar berib kelinmoqda.

Amaliy mashg‘ulot davomida talabalar mutaxassislar ko‘magida kadastr sohasida qo‘llaniladigan zamonaviy, yangi avlod o‘lchov vositalari, ulardan foydalanishning o‘ziga xos jihatlari bilan yaqindan tanishish imkoniyatiga ega bo'lmoqdalar.