1989-yil 21-oktabrda “O‘zbekiston Respublikasining davlat tili haqida”gi qonuni qabul qilinishi va ushbu Qonun bilan O‘zbek tiliga davlat tili maqomining berilishi xalqimizning milliy mustaqillikka erishish yo‘lidagi muhim qadamlaridan biri bo'lgan. 

Bugun ona yurtimizning har bir go'shasida katta tantana. Beg'ubor va jozibador ona tilimizga Davlat tili maqomi berilganiga 34 yil to'ldi. 

Til - xalqning, millatning eng buyuk qadriyatlaridan biri va ko'zgusi hisoblanadi. 
O‘zbek tili O‘zbekiston degan o‘tmishi buyuk mamlakatning davlat tilidir. Shunday ekan davlat tili ham har bir davlatning ramzi sanaladi.

Buyuk tarixga ega O'zbek tili dunyoning eng qadimiy va boy tilaridan biri hisoblanadi. Ona tilimizning nechog'lik buyuk ekanligini ota-bobolarimizning qoldirgan asarlari misolida bilish qiyin emas. 

Inson go‘zalligi, ma’naviyati, buyuk merosi, hatto olam barqarorligining asosi ham bu – tildir. Shu sabab onadek aziz o‘z ona tilimizni asrab-avaylash, e’zozlash barchamizning muqaddas burchimizdir.

Oʻzbek tili bayrami kuni hamda Oʻzbek tiliga davlat tili maqomi berilganining 34 yilligi bilan yurtdoshlarimizni samimiy muborakbod etaman.

Kadastr agentligi direktori - Pulatov Farrux Jaxongirovich