Jizzax viloyati boshqarmasi Sharof Rashidov tumani inspektorlari tomonidan o‘tkazilgan yer va kadastr nazorati tadbirlarida Nonisangil MFY hududidagi xonadonlardan birida yashovchi fuqaro tomonidan davlat zaxirasidagi 150 kv.m yer maydonini oʻzboshimchalik bilan egallab, uy-joy qurib olganligi aniqlandi. Ushbu holat bo‘yicha tushuntirish ishlari olib borildi hamda MJtK ning 60-moddasi 3-qismiga asosan fuqaroga maʼmuriy hujjatlar rasmiylashtirildi.

Farg'ona viloyati boshqarmasi Furqat tumani bo‘limi xodimlari nazorat tadbirlari vaqtida tumanning "Qushchi" MFY Qushchi qishlog'i hududida fuqaro tomonidan qishloq xo'jaligida foydalanilmaydigan yer maydonining 30 kv. metr qismini o‘zboshimchalik bilan egallab, qurilish ishlari oborganlik holati aniqlandi. Olib borilgan tushuntirishlar hamda yozma ko‘rsatmadan so‘ng yer maydoni oldingi holatiga qaytarildi.

Surxondaryo viloyati boshqarmasi Bandixon tuman bo'limi inspektorlari tomonidan o‘tkazilgan yer va kadastr nazorati tadbirlarida "Limonzor" mahallasida yashovchi fuqaro tomonidan tumandagi 35 kv.li havo elektr uzatish tarmog'ining muhofaza hududiga tegishli bo'lgan yer maydonini o'zboshimchalik bilan 0.005 gektar egallab olib, 48.0 kv.metrdan iborat Molxona binosi qurib olganligi holati aniqlandi.Olib borilgan tushuntirishlar hamda yozma ko‘rsatmadan so‘ng yer maydon fuqaro tomonidan bartaraf etildi.

Toshkent viloyati boshqarmasi Bo‘ka tumani bo‘limi tomonidan olib borilgan yer va kadastr nazorati tadbirlarida MFYda joylashgan tuman zaxirasiga qarashli yer maydoni fuqaro Sh.U tomonidan oʼzboshimchalik bilan egallab olinib, jami 
27,0 kv.m yer maydonida noqonuniy qurilma qurilganligi aniqlanib fuqaro tomonidan oldingi holatiga qaytarilgan.