Kadastr agentligida oliy ta’lim muassasalarining bitiruv kursi talabalari stajirovkasini tashkil etish bo‘yicha E’LON
Faoliyat yo‘nalishi:
⏺ yosh mutaxassislarni Agentlik tizimi xizmatiga tayyorlash, kasbiy faoliyat mas’uliyatini his etish va tajribali mutaxassislarning ish faoliyatini o‘rganish orqali oliy ta’lim muassasalarida olgan nazariy bilimlarini amaliy mustahkamlash;
Rasmiy talablar:
⏺ O‘zbekiston Respublikasi fuqarosi bo‘lishi;
⏺ oliy ta’lim muassasalarining kadastr va iqtisodiyot yo‘nalishlari bo‘yicha kunduzgi shaklining bakalavriat bosqichi bitiruv kurs talabalari;
Shuningdek:
⏺ O‘zbekiston Respublikasi fuqarosi bo‘lmagan;
⏺ belgilangan tartibda huquqiy layoqatsiz yoki huquqiy layoqati cheklangan deb e’tirof etilgan fuqarolar Kadastr agentligi tizimiga ishga qabul qilinmaydi.
Mehnat sharoiti:
⏺ Barcha mehnat sharoitlari yaratilgan zamonaviy idora;
⏺ ish rejimi: besh kunlik ish haftasi, ikki kun dam olish kunlari bilan (shanba, yakshanba);
⏺ bazaviy hisoblash miqdorining uch barobarigacha miqdorda haq to‘lanadi;
Murojaat muddati va manzil:
⏺ nomzodlar o‘qish joyidan ma’lumotnoma, ma’lumotnoma-ob’yektivka, pasport nusxasi va telefon raqamini Kadastr agentligining “l.holov@kadastr.uz” elektron pochtasiga 2025-yil 10-yanvar kuniga qadar yuborish lozim (ma’lumot uchun telefon: 71-202-55-65 (1)).
Stajirovkaga qabul qilish tartibi va savollar ro‘yxati bilan Kadastr agentligining rasmiy Telegram kanali orqali tanishishingiz mumkin.
