Davlat chegarasini demarkatsiya qilish yo‘lida muhim qadam

2025-yil 7–13-aprel kunlari Qarshi shahrida O‘zbekiston va Turkmaniston o‘rtasida davlat chegarasini demarkatsiya qilish masalalari bo‘yicha ikki tomonlama ishchi guruhlar uchrashuvlari bo‘lib o‘tdi.

Mazkur uchrashuvlar doirasida tomonlar avvaldan tasdiqlangan ishchi loyihalar asosida belgilangan hududlarda chegara ustunlarini o‘rnatish ishlarini amalga oshirdilar. Bu jarayon ikki davlat o‘rtasida aniqlik va ishonchni mustahkamlash, shuningdek, chegarani rasmiy ravishda belgilashda muhim bosqich sanaladi.

Amaliy ishlar bilan bir qatorda, chegara belgilarini o‘rnatishga jalb etilgan mutaxassislar uchun o‘quv-trening mashg‘ulotlari ham tashkil etildi. Treninglar davomida ishtirokchilar nazariy bilimlar bilan bir qatorda, amaliy ko‘nikmalarni ham chuqurlashtirishdi.