KADASTR SOHASINI RAQAMLASHTIRISHI BO‘YICHA AMALGA OSHIRILGAN ISHLAR

 O‘zaro integratsiya qilinmagan “Davreestr”, “Ko‘chmas mulk”, “Ko‘chmas mulk-3” axborot tizimlari o‘rniga Jahon banki bilan hamkorlikda Kadastr va ro‘yxatdan o‘tkazish integratsiyalashgan axborot tizimi (UZKAD) ishga tushirildi.

 “ArcGIS” dasturida onlayn geoportal ishga tushirildi.

 “E-YER NAZORAT” AAT to‘liq ishga tushirilib, Bosh prokuraturaning “E-Material” axborot tizimi va IIVning “E-ma’muriy ish” axborot tizimi bilan ma’lumot almashinuvi yo‘lga qo‘yildi va mobil dasturi ishga tushirildi.

Tizimga yerlarni o‘zboshimcha egallab olish holatlari va ularga nisbatan ko‘rilgan choralar to‘g‘risidagi ma’lumotlar to‘liq kiritib borilmoqda.

 “YERELEKTRON” AATning yangi versiyasi ishga tushirilib, “E-Qaror” AT, “Order” AT hamda Yagona identifikatsiya tizimi bilan o‘zaro ma’lumot almashinuvi yo‘lga qo‘yildi.

 “GEODEZNAZORAT” AT orqali geodeziya va kartografiyaga oid ishlarning natijalarini ekspertizadan o‘tkazish va ularning elektron reyestrini yuritish joriy qilindi.

Barcha kadastr xizmatlari to‘liq Yagona billing tizimiga o‘tkazildi.

 Ko‘chmas mulk ma’lumotlarini tahrirlash uchun ariza berish hamda bino va inshootlarning mansubligi va tarkibi to‘g‘risida ma’lumotnoma berish xizmatlari ishga tushirildi.

 “Litsenziya” AT orqali geodeziya va kartografiya ishlarini ro‘yxatga olish to‘g‘risidagi qarorni onlayn olish imkoniyati yaratildi.

 Avvalgi “ReestrAPI” veb-xizmati o‘rniga bir qancha axborot tizimlaridan qidirish imkoniyati mavjud bo‘lgan “UZKAD”ning universal integratsion shinasi (FALCON) yaratildi.

Bundan tashqari, kadastr ma’lumotlar bazasi 26 ta davlat tashkilotlari va boshqa idoralar bilan integratsiya qilish ishlari yakuniga yetkazildi (ushbu idoralar aholiga xizmat ko‘rsatilishida “bizning ma’lumotlaridan onlayn” foydalanishi yo‘lga qo‘yildi).