Yer boshqaruvi va kadastr sohasida Germaniya tajribasini o‘rganish tashrifi davom etmoqda.
Avval xabar berganimizdek, Kadastr agentligi rahbari F.Pulatov boshchiligidagi ishchi guruh yer boshqaruvini isloh qilish, kadastr tizimlarini zamonaviylashtirish sohasida tajriba almashish maqsadida Germaniyaning Myunxen shahrida joylashgan Federal yerlar geodeziya xizmatlari ijroiya qo‘mitasida (AdV) amaliy tashrif bilan bo‘lib turibdi.
O‘zbekiston delegatsiyasini Federal yerlar geodeziya xizmatlari ijroiya qo‘mitasi Bosh kotibi Markus Vandinger, Bavariya raqamlashtirish va geodeziya agentligi direktori Daniyel Kleffel samimiy qarshilab, Bavariya yer, ko‘chmas mulk va kadastr tizimi bilan tanishtirdi.
Uchrashuv davomida Bavariyaning kadastr tizimi, federal darajadagi standartlar va amaliy ishlarga bag‘ishlangan taqdimotlar bo‘lib o‘tdi.
