Abdushukur Abdullayev Kadastr sohasida kadrlar tayyorlash bo‘yicha oliygoh mas'ullari bilan fikr almashdi.

Davlatimiz rahbari tomonidan o‘tkazilgan yig‘ilishda kollej-texnikumlar va oliygohlarni ish beruvchilar bilan uzviy bog‘laydigan tizim yaratish bo‘yicha topshiriq berilgan edi. 

Ushbu topshiriq ijrosini ta’minlash maqsadida Kadastr agentligi tomonidan amaliy ishlar olib borilmoqda. 

Kadastr agentligi direktorining o‘rinbosari - “Geoinnovatsiya markazi” davlat unitar korxonasi direktori Abdushukur Abdullayev va Urganch Davlat Universiteti rektori Baxrom Abdullayev  ishtirokida uchrashuv bo'lib o'tdi. 

Mazkur uchrashuvda shuningdek Kadastr agentligining Inson resurslarini rivojlantirish va boshqarish bo‘limi boshlig‘i Shovkat Olimov, Kadastr agentligi Xorazm viloyat boshqarmasi boshlig'i v.b Bexzod Jumabayevlar qatnashdi hamda sohada kadrlar tayyorlash bo'yicha fikrlar almashildi. 

Muloqot davomida ish beruvchilar bilan kadastr yo‘nalishi bo‘yicha malaka talablari, o‘quv rejalari va dasturlarini yanada takomillashtirish, zamon talablariga mos chuqur bilim, malaka va ko‘nikmaga ega kadrlar tayyorlash bo‘yicha kelishib olindi.