Bugun Kadastr agentligi hamda Davlat kadastrlari palatasi Buxoro viloyati boshqarmalari hamda Buxoro tabiiy resurslarni boshqarish instituti hamkorligida 22-aprel – "Butun jahon yer kuni"ga bag‘ishlangan tadbir bo'lib o'tdi.
“Yer – kelajak avlodlarimizga ham tegishli bo‘lgan boylikdir” shiori ostida o‘tkazilgan tadbirda boshqarma vakillari, faxriy ustozlar hamda institut talabalari qatnashishdi. Tadbir davomida talabalar Kadastr sohasida bugungi kunda foydalanilayotgan texnikalar, uchuvchisiz uchish aparatlari va boshqa zamonaviy texnikalarning imkoniyatlari bilan tanishtirildi.
Tadbir yakunida Davlat kadastrlari palatasi Buxoro viloyati boshqarmasi boshlig‘i E.Zayniddinov tomonidan "Yer kuni" munosabati bilan tashkil etilgan tadbirlarda faol ishtirok etgan bir guruh talabalar esdalik sovg‘alari hamda vaucher bilan taqdirlandi.
