O‘zbekiston Respublikasi “Ko‘chmas mulkka bo‘lgan huquqlarni davlat ro‘yxatidan o‘tkazish to‘g‘risida”gi Qonunining 9-bobi hamda Ko‘chmas mulk obyektlariga bo‘lgan huquqlarni davlat ro‘yxatidan o‘tkazish sohasidagi arizalari va shikoyatlarini ko‘rib chiqish tartibi to‘g‘risidagi Nizomiga asosan Kadastr agentligi hamda Davlat kadastrlari palatasining hududiy boshqarmalari huzurida Fuqarolar va tadbirkorlik subyektlarining ko‘chmas mulk obyektlariga bo‘lgan huquqlarni davlat ro‘yxatidan o‘tkazish sohasidagi arizalari va shikoyatlarini ko‘rib chiqish bo‘yicha Nizolarni sudgacha hal qilishning mustaqil mexanizmi joriy etilgan.
Unga ko‘ra, Davlat kadastrlari palatasining hududiy boshqarmalari huzurida komissiya) va respublika miqyosida Kadastr agentligi huzurida Apellyatsiya komissiyasi tashkil etilgan.
Kadastr agentligining Davlat kadastrlari palatasi ko‘chmas mulkka bo‘lgan huquqlarni davlat ro‘yxatidan o‘tkazish bo‘yicha organdir.
Mazkur komissiyalar fuqarolik va tadbirkorlik subyektlarining ko‘chmas mulkka bo‘lgan huquqlarini davlat ro‘yxatidan o‘tkazishda yuzaga kelayotgan nizolarni sudga qadar ko‘rib chiqish vakolatlari belgilangan.
Qonunga ko‘ra komissiya aʼzolari 5 nafardan kam bo‘lmagan, ro‘yxatdan o‘tkazuvchi organ, Soliq qo‘mitasi hamda Uy-joy va kommunal xo‘jaligi vazirligi masʼullaridan iborat bo‘lgan tarkibda tuziladi.
Arizalar dastlab murojaatchining yashash hududida bo‘lgan hududiy komissiya tomonidan 10 ish kuni davomida ko‘rib chiqiladi.
Bugungi kunda, jismoniy va yuridik shaxslar tomonidan hududiy komissiyalarga 2023-yil 1-yarim yillik davomida jami 112 ta murojaat kelib tushgan.
Jumladan, Toshkent viloyatida 17 ta, Namangan viloyatida 14 ta, Buxoro viloyatida 12 ta, Toshkent shahar, Jizzax, Xorazm viloyatlarida 11 tadan, Qoraqalpog‘iston Respublikasida 10 ta, Andijon viloyatida 9 ta, Farg‘ona, Samarqand viloyatlarida 4 tadan, Surxondaryo va Qashqadaryo viloyatlarida 3 tadan, Navoiy viloyatida 2 ta hamda Sirdaryo viloyatida 1 ta murojaatlar kelib tushgan.
Hududiy komissiyalar tomonidan, ro‘yxatdan o‘tkazuvchining ko‘chmas mulk obyektiga bo‘lgan huquqni davlat ro‘yxatidan o‘tkazish haqidagi qarorini bekor qilish lozimligi to‘g‘risida 66 ta, ro‘yxatdan o‘tkazuvchining ko‘chmas mulk obyektiga bo‘lgan huquqni davlat ro‘yxatidan o‘tkazishni rad etish haqidagi qarorini bekor qilish va ko‘chmas mulk obyektiga bo‘lgan huquqni davlat ro‘yxatidan o‘tkazish lozimligi to‘g‘risida 30 ta, ro‘yxatdan o‘tkazuvchining ko‘chmas mulk obyektiga bo‘lgan huquqni davlat ro‘yxatidan o‘tkazish haqidagi qarorini o‘z kuchida qoldirish lozimligi to‘g‘risida 10 ta hamda ro‘yxatdan o‘tkazuvchining ko‘chmas mulk obyektiga bo‘lgan huquqni davlat ro‘yxatidan o‘tkazishni rad etish haqidagi qarorini o‘z kuchida qoldirish lozimligi to‘g‘risida 6 ta qaror qabul qilingan.
Shuningdek, Jismoniy va yuridik shaxslar tomonidan hududiy komissiyalarning qarorlaridan norozi bo‘lib jami 10 ta murojaat Apellyatsiya komissiyasiga kelib tushgan bo‘lib shundan 9 ta murojaatda hududiy komissiyaning qarori bekor qilingan bo‘lsa, 1 ta murojaatda komissiya qarori o‘z kuchida qoldirilgan.
Joylarda ko‘chmas mulk obyektiga bo‘lgan huquqni davlat ro‘yxatidan o‘tkazishda nizolarni sudgacha hal etish komissiyasining faoliyatini tashkil etish va uning faoliyati yuzasidan qabul qilingan normativ-huquqiy hujjatlar to‘g‘risida 6 oy davomida jami 75 nafar xodimlarning malakasi oshirildi.
Kadastr va ko‘chmas mulkka bo‘lgan huquqlarni davlat ro‘yxatidan
o‘tkazishni muvofiqlashtirish boshqarmasi bosh mutaxassisi
Otabekov Bekzod Rustamovich
